Wednesday, September 30, 2009

الصديق

السلام عليكم

شونكم ..... هههههههههه .... هسة تكولون هذا شبي ؟؟؟؟!!! اشو انطللق..... كل يوم بوست... ههههههههههههه .... شنو متكيفوووون ؟؟؟؟ !!!! هعهع

المهم ... اني هسة كاعد وية صديق اعتبره من اعز اعز الاصدقاء الي عندي وهمة قليلين ...... لتخافون ... انتو همينة اصدقائي ..... وينطططبق المثل ..."" صديقي العزيز .... مكانك في القلب وليس فييي المحل""..... هههههه لا والله دا اتشاقه ... احبكم والله احبكم

اي

اني وصديقي كاعدين ودنحشش ونشرب نسكافة والهوة بارد ويبعبع .... والحاسبة مشتغلة .... حسيت اصابيعي تحكني .... هههههه ... خلي اكتب فد شي ....
شنو الفلم مدا افتهم .... معليكم تحشيش هذا .... الحاصل .....

صديقي هذا الي كاعد وياه ... عشرة عمر مثل منكول ... سنيين اصدقاء ... يومية نتعارك ونرجع نتصالح ..... وسافر ورجع وهمينة لسانه على نفس الحطة .... وعلى هلرنة طحينج ناعم مثل ميكولون .....

صديقي هذا .... نطلع سوية ونرجع سوية وناكل سوية ونشرب سوية وحتى نحشش سوية .. فوك القهر .... شكككككككد نقشب ونحجي على العالم....
مشكلته شنو ... يعصب بسرعة ... اني طبعا مفتهم فلمه من زمااااااااااان ... بس لساني اكيف واضحك من يصير عصبي على اشياء متستاهل ههههههههه ... هو ديقرة شدا اكتب هسة .....


بس شايل طيبة قلب .... ومحبة .... تكفي تعداد السكان مال الصين ....
ترة يا جماعة الخير .... صعب تلكي بهذا الوكت التعبان صديق وفي ... ترة قليل....

شكد حلو عندك واحد قريب منك تحجيله ويحجيلك وتشكيله ويشكيلك .... يشاركك همومك وافراحك ............ بابة شبيكم ..... مو مرتك عيني استاد .... صديييق صديق ليروح بالك بعيد..... المهم .... اكثر شي اكرهه هو الناس الي ينطبق عليهم المثل الي يكول :
"الصديق الذي له اوطار.... اذا قضاها طار" والحمد لله ما عندي هيجي اشخاص ضمن دائرة معارفي ...

اني رأيي بالصديق الحقيقي هو الشخص الي يضيفلك مو ينقص منك ... الي يوكفلك من تحتاج في الوقت الي تلكه نفسك بي وحيد ..... الي يحبك ويقدرك ويحترمك بدون هدف ومن دون ما يكون مفكر بمنفعة آنية او بعدين .... هذا هو الصديق الحقيقي .....
كلنا عدنا اصدقاء .... بس المشكلة كلنا عدنة بعض الاصدقاء الي بعدتهم الحياة عنا او اجبرتهم الظروف على ان يكونون بعيدين عنا بوقت من الاوقات او بشكل دائم ...

طبعا دا اكتب واني صور الاصدقاء البعيدين دتفتر براسي .... واكيد كلكم هيجي ... افكاركم راحت للناس الي تقدروهم وتحترموهم وهمة هسة بعيدين ....

هاي دعوة من عندي انه كل واحد من عدنة يجر التلفون ويخابر على صديق اله وحشة ومكانه خالي .... واذا التلفون صعب .... يدزله مسج لو ايميل اذا يعرف شون يتصل بي.......

وللي انكطعت سبل الاتصال بيهم ... خلي نتمنالهم الخير ونندعيلهم بالخير والسلامة .... لان ما دامنا نتذكرهم فاكيد همة همينة ديتذكرونه ... لان الانسان الي يترك بيك اثر طيب اكيد تكون انتة او انتي تارك بي اثر طيب بالاساس ...

حبايبي تأخر الوكت ولازم اترككم هسة ... بس لتنسون .... خلو القلوب تتواصل رغم المسافات والزمن .... ولتنسون الي ما نساكم....

تحية مني الكم

اخوكم وصديقكم يودا

3 comments:

Michomeme said...

هاي شنو اخونا يودا صاير كل يومية بوست، والله الصداقة ماكو احلى منها، يعني شوف رب العالمين شلون يزرع بقلوبنا حب راقي و احترام تجاه شخص ما نعرفه بس بمرور الوقت نتعرف عليه و يكون اقرب انسان النا نشاركه و يشاركنا احلى الاوقات فرح لو حزن لو مساعدة تشوفه وياك وين ما تروح و ينطي النصيحة الحلوة..ماكو احلى من الصداقة الي يجتمع بيها اشخاص وفيين..الله يديم الصداقة

Yoda said...

اي والله اختي ميشو .... الصداقة الحقيقية حلوة وطعمها حلو ويبقى تأثيرها ....

شكرا على التعليق اختي العزيزة

يودا

Sandybelle said...

هلو يودا, شلونك عيني؟
اخييييييييرا كتبت
الحمد لله
بس للاسف, هالمره اني جنت اوفلاين
لول
على كل حال موضوعك لطيف جدا وحلو
الصديق عمله نادره واتمنى احصل فد وحده او وحد اكدر اسمي صدك صديق
تحياتي لك من الاعماق